無心插柳柳成蔭，這部Nexus One用咗已經有七、八個月，至少到目前都覺得揀啱了自己想要嘅智能手機！

講開Root機（即係好似iPhone嘅JailBreak），我部手機用咗三個月之後就膽粗粗自己Root機，初期只為可以用到香港字，之後卻發現可以用上更多的程式，並且可以刷上適合自己個人喜好的Rom，也讓手機可以釋放更多的記憶體(Ram & Rom)，而我現在用緊嘅CyanogenMod更是集合了外國改Rom高手而成的精心炮製，質素實在不錯，每次更新都有一些驚喜！

當初Google推出Nexus One，原則上只可以在網上直接向Google訂機，在香港亦沒有跟任何的網絡商連結上，所以不需要被迫使用網絡商嘅Data Plan，這亦是比起iPhone嘅優勝之處。有人認為用智能手機就一定要用甚麼Data Plan，偏偏我到現在仍然只用幾十元的手機月費，而我對手機即時上網嘅需求也不大，多數只係用屋企嘅Wifi。而現在Nexus One已經設定為程式開放人員的專用手機，只會賣給Android Developers，並且已經斷市了！

相比起iPhone，Android也有不少嘅Apps: 計數機、電筒、指南針、聖經、計時器、字典、工作行事曆、外幣對換率、股市行情、單位換算器、都市日報、網上收音機、農曆月曆、垃圾電話過濾、行車／巴士路線搜尋、MP3 Player, RSS新聞、常用電話簿、Facebook, Twiter, SMS, Zip File Manager, Photo Editor等等也一應俱全。正當通街嘅人都用緊iPhone，而我正正唔想人有我有，所以用了十幾年平價手機才會毅然買了Nexus One，當然現在不少Android手機已經有比Nexus One更新嘅硬件配備（例如Desire, Droid X或者是Galaxy S i9000: 有16GB Ram！），不過要玩更多System嘅更新，Nexus One可能是一個不錯的選擇！