其實每年的農曆新年過節都會好煩，特別係辦年貨的時候。事實上這並不是有錢就可以解決的問題，因為最頭痛係－－選擇買甚麼禮物給我的老媽子。

昨晚食完飯就同老婆去了超市辦年貨，心中苦思之餘決定打電話俾阿媽：

「阿媽，今年新年你想要食甚麼？」「是但啦，你買咩都無所謂！」（係就好囉！）

「買朱古力啦，今年有新款……」「甜野我同老竇唔食得咁多….」

「一係花旗蓼茶啦，夠健康呀……」「超市果d唔靚，你老竇又唔飲……」

「茶葉啦，應該個個都啱……」「你唔駛買啦，我大把……」

「呀，鮑魚麵啦……」「唔好買呀，d麵呃人呀，都唔係用鮑魚整……」

「咁實際d啦，買蠔油禮盒……」「舊年你買個枝都未用完……」

「咁曲奇餅啦……」「都話唔食甜野囉……」

……

最後唯有買盒日本餅俾佢……「咩牌子呀？好唔好食？算啦算啦，順便買多盒俾埋阿婆啦。」

－－－－－－－－－－－－－－－－－－－－－－－－－－－

以上的內容絕不好笑，只係反映現實的情況。